بسطيلات صغار بفروماج 

مقادير وطريقة تحضير بسطيلات صغار 

مقادير بسطيلات صغار

اوراق البسطيلة من الحجم الصغير

زبدة مذوبة

فروماج محكوك للتزيين

حشوة بسطيلات صغار

بصلة مشلظة

زيت نباتي+زبدة

1 فلفل أخضر مقطع مربعات صغيرة

1 فلفل أحمر مقطع مربعات صغيرة

2 جزر محكوك

شرائح سمك أبيض أي نوع مفضل عندك

قمرون 

شعرية صينية

علبة فطر مقطع شرائح

عصير حامض

قزبر و معدنوس 

تحميرة 

ابزار

ملح

خرقوم

هريسة حسب الذوق

ثومة 

طريقة تحضير بسطيلات صغار

في طنجرة على النار نذوب شوية الزبدة و نضيف لها شوية زيت

نضيف البصل و نخليه يتقلى حتى يذبل و نضيف الفلفل الأخضر و الأحمر و الجزر المحكوك

نترك الكل فوق النار حتى ينضج 

نضيف الفطر والتوابل (ملح +تحميرة+ابزار+ خرقوم+هريسة) و الثومة محكوكة و القزبر و المعدنوس

نترك الكل فوق نار هادئة 

في مقلاة اخرى نذيب القليل من الزبدة و الزيت ونضيف شوية ثومة و شوية قزبر و معدنوس و عصير الحامض

ثم نضيف القمرون و نتركه لدقائق فقط تم نزيله من على النار

نفس العملية نقوم بها بالنسبة لشرائح السمك الأبيض بعدما نقطعها مربعات صغيرة 

نغلي الماء و نصبه على الشعرية الصينية ونتركه دقيقتين ثم نصفيها و نقطعها

نضيف القمرون و السمك الأبيض و الشعرية الصينية للخليط الأول و هاهي الحشوة جاهزة

نترك الحشوة حتى تبرد و نبدأ بلف البسطيلات على الشكل المبين في الصور

نأخد أي قالب صغير و أنا أخدت قالب الطورطة الصغير 

ندهنه بالزبدة المذابة 

ونضع فوقه ورقة صغيرة

ثم نضيف ورقة في الوسط حتى لا تتمزق الورقة الأولى و تخرج الحشوة 

بعد ذلك نملأ الوسط بالحشوة

و نجمع الأطراف بعد دهنها بالزبدة المذابة

ثم نقلبها 

و نضعها فوق صينية الفرن

نستمر حتى نكمل جميع بسطيلات صغار

ندخل بسطيلات صغار للفرن و لما يطيبو و يتحمرو نخرجهم 

ونزينهم بالفروماج محكوك و هي سخونة