nadia

زعلوك بالفلفلة طريقة تحضير الزعلوك بالصور دنجال منقي أو مبخر مع ثوم  الفلفلة مشوية أو منقية أو مقطعة طريفات  التشرميلة : ملح . ابزار . تحميرة . سكنجبير . خرقوم بلدي . نصف حامضة مرقدة او مقطعة . معلقة مطيشة ديال الحك . 2 ضويمات الزعفران . 2 ضويمات ديال الثوم . القزبر والمعدنوس. الهريسة .الزيت البلدية  الطريقة : جمعي تشرميلة مع الفلفلة وخليهم يتشحرو في الزيت البلدية منبعد صيفي الدنجال خلي المكونات تنساجم منبعد ضيفي القزبر والمعدنوس في الأخير مع زيتون

الدنجال بالطماطم والموتزاريلا مقادير الدنجال بالطماطم والموتزاريلا كنحتاجو لدنجال مقطع دوائر و مقلي فشوية الزيت   المطيشة مقطعة دوائر و مصهدة فشوية زيت الزيتون   الملح وريقات الحبق و الموتزاريلا طريقة تحضير الدنجال بالطماطم والموتزاريلا   كنحطو دائرة ديال الدنجال و فوقها المطيشة ثم المودزاريلا و الحبق ونعاودو نفس العملية حتى نكملو 2 طبقات او 3 لبغيتو من بعد ندخلوهم للفرن حتى يتحمرو وهاهو الدنجال بالطماطم والموتزاريلا واجد

حرشة ديال دار هشيشة والمذاق يا سلام  نصف كيلو سميدة رقيقة   نصف كاس سميدة غليظة   شوية سنيدة + شوية الملح   كأس العنبة مخلط بالزيت و الزبدة   نصف باكية الخميرة ديال الحلوة   فاني + روح الزهر   والحليب باش نجمعوها   الطريقة : بعدما تخلطي العناصر كلها مع بعضها ثم مع الزبدة والزيت بسبسيها مزيان وجمعيها بالحليب تقريبا نصف يترو حيدو منو نصف كأس الحليب مهم خلوها شوية مطلوقة دهنو المقلة بشوية زبدة أو رشوها بالسميدة رقيقة منبعد كرصوها فاسميدة ورشوها من الفوق و جناب وطيبوها فوق البوطة تتحمر من تحت عاد قلبوها طريقة باش قلبتها رآه في صور موضحة باش تجيكم ساهلة منبعد خليها طيب من جهة الأخرى جربيها فعلا تتجي واعرة مع كأس  اتاي والعسل والزبدة وااااو غادي تبرعي رأسك ههههه

الكريب بالبرتقال ً المقادير :2 بيضات + كاس سنيدة حسب ذوق + قشرة البرتقال + كأس عصير البرتقال + كأس الحليب + نصف كأس زبدة وطحين حسب الخليط    يطحن البيض وسنيدة والقشرة جيدا نضيف الزبدة ثم العصير والحليب يطحن الكل ونضيف طحين حسب تقريبا 2 كيسان  التزين: قشور البرتقال معسل مع 2 معالق كبار ديال مربى وروح الزهر وكاس الماء خليتهم حتى تعسلو   طريقة موضحة في صور   أو بالصحة والرا حةً

الكيش بالطون والفلفل مقادير العجين  فورص بيضة معلقة سنيدة نص كاس مخلط زيت العود وزيت رومية ملح+قبيصة خميرة الخبز شوية زعتر الطريقة كنجمع العجين بالماء ونخليها ترتاح بيما وجدت الحشو سرحت العجين في قالب كبير وقوالب صغيرة مدهونة بزبدة و مرشوشة بدقيق   ودكيتها بالفورشيط ودخلت للفران طيب نص طيبة الحشو  بصلة مشلضة فلفلة خضرا مقطعة مربعات صغيرة فلفلة حمرا مقطعة مربعات صغيرة ملح +ابزار+خرقوم ملون + تحميرة + ثوم + زيتون مقطع دوائر والقزبر زيت   الطريقة شحرتهم مزيآآآآآان حتا طاحت البصلة ولفلفلة في الاخير ضفت زيتون أو القزبر   درت خليط لفلفلة ولبصلة لتحت ودرت فوق منو الطون مصفي من زيت   طربت 2 بيضات بالفرشيط مع شوية الملح وخويتهم فوق حكيت شوية الفرماج دخلتهم الفران خليتهم حتا طاب البيض  

كوكتيل غزال أو بنين 2 بننات منقين + 2 تفاحات منقين + 2 حامضات منقين مزيان + يترو ونصف ديال الماء نجمعو كلشي في الكوكوط ونشعلو عليه ربع ساعة منبعد نخليه حتى يبرد ونضيف معاه 3 البرتقالات منقين أو مقطعين طريفات وسنيدة حسب ذوق ونطحنو كلشي مزيان ونصفيوه في صفاية وها العصير واجد بالصحة والراحة رآه تيجي غزاااال في المذاق رآه تيخرج 2 يترو ونصف

بغرير  كيسان عنبة 3 سميدة رقيقة 4كيسان ماء دافي, معلقة كبيرة الفورص, 3 خمارات الحلوى, معلقة متوسطة خميرة الدار, شوية ملح, نصف معلقة صغيرة د لخل تخلط كلشي في مولينكس مزيان وتبداي طيبي بلاما يخمر وبصحة ورحة