سندويتشات شاورما لذيذ وسهل 

المقادير

نبداو مع التتبلة ديال الدجاج انا درت بيبي الى ماعندكمش ديرو هبرة ديال الدجاج

المقادير التتبلة ديال الدجاج

كاس ديال دانون طبيعي وحيدي معلقة منو باش ديريها فلاصوص

زيدي عليه عصير نص حامضة

ملح ابزار سكنجبير كمون تحميرة

بصلة محكوكة صغيرة و

ثومة محكوكة 

الطريقة التتبلة ديال الدجاج 

خلطي التتبيلة مزيان وديري فيها الدجاج ولكن ديري الدجاج فيلي باش يشرب صوص ويطيب بالزربة 

مقادير لاصوص 

معلقة ديال زيت العود 

معلقة ديال دانون اللي شيطنا 

معلقة ونص مايونيز وملح

طريقة لاصوص 

نخلطو جميع المقادير حتى نحلو على لاصوص ديلنا

طريقة تحضير 

هاهو الدجاج من بعد ماتبلتو وخليتو فالثلاجة لمدة ساعة يمكن ليكم تخلوه اكثر باش يشرب الصوص مزيان

فهاد الاثناء وجدت لاصوص اللي غادي ندير فالحشوة ديال الشاورما والحشوة اللي غادي نعمر بيها

مللي دازت ساعة على الدجاج فالثلاجة خرجتو وقليتو فمقلى صقيلة

من بعد نقطعوهم على شكل طويل ونشحروهم فالزبدة

مللي ينشف اللحم مزيان غادي ندخنوه كايجي المذاق ديالو روعة الى كان مدخن والطريقة ساهلة نجيبو الومنيوم نديرو فيه الزيت اولا الزبدة ونشعلو فاخرة ونحطوها وسط الزيت ونديروها وسط المقلة اللي فيها اللحم ونسدو عليها بشي غلاقة ماتخرجش الريحة لبرا وهاكة هاهو مدخن ومداقو بنين

ودابا نبداو نعمرو الخبز انا كانشريه جاهز

فالاخير الى عندكم الة البانيني ديروهم فيها ماعندكمش ديروهم فمقلى غليظة وبركو عليهم بمعلقة ديال الخشب حتى يشدو بحال اللي درت انا حيت ماعنديش ديال البانيني وهاهوما
 بالصحة والراحة